Europe - Otta Nottathil - earth_quake_in_russia_tzunami_japan_usa_china_july_31

Advertisements

ലോകത്തെ ഞടുക്കി വന്‍കരകളില്‍ സുനാമി റഷ്യയില്‍ വന്‍ഭൂചലനം

ജോസ് കുമ്പിളുവേലില്‍

Photo #1 - Europe - Otta Nottathil - earth_quake_in_russia_tzunami_japan_usa_china_july_31_2025

ബര്‍ലിന്‍:റഷ്യയില്‍ വന്‍ഭൂചലനം ഉണ്ടായി. റഷ്യയുടെ കിഴക്കന്‍ മേഖലയായ കംചത്ക ഉപദ്വീപിനു സമീപം പസിഫിക് സമുദ്രത്തിലാണ് ശക്തമായ ഭൂചലനം ഉണ്ടായത്. കംചത്ക ഉപദ്വീപില്‍ ബുധനാഴ്ച രാവിലെ പ്രാദേശിക സമയം 11.25ന് ആണ് 8.8 തീവ്രതയുള്ള ഭൂചലനമുണ്ടായത്. പെട്രോ പാവ്ലോസ്കംചാറ്റ്സ്കി നഗരത്തില്‍നിന്ന് 119 കിലോമീറ്റര്‍ അകലെ,പസിഫിക് സമുദ്രത്തില്‍ 19.3 കിലോമീറ്റര്‍ ആഴത്തിലായിരുന്നു ഭൂചലനത്തിന്റെ പ്രഭവകേന്ദ്രം എന്ന് യുഎസ് ജിയോളജിക്കല്‍ സര്‍വേ അറിയിച്ചു. ഭൂചലനം 3 മിനിറ്റോളം നീണ്ടുനിന്നു. 1.65 ലക്ഷം പേര്‍ താമസിക്കുന്ന കംചാറ്റ്സ്കിയില്‍ 5 മീറ്റര്‍ വരെ ഉയരത്തില്‍ തിരമാലകളുയര്‍ന്നതായും റിപ്പോര്‍ട്ടുണ്ട്.

കെട്ടിടങ്ങള്‍ തകര്‍ന്ന് ഒട്ടേറെ പേര്‍ക്കു പരുക്കേറ്റു. ഡ്രോണ്‍ ദൃശ്യങ്ങള്‍ പ്രകാരം തീരപ്രദേശം അപ്പാടെ മുങ്ങിപ്പോയി. ഭൂകമ്പത്തിന്റെ അണ്ടര്‍വാട്ടര്‍ പ്രഭവകേന്ദ്രത്തിന് വെറും 350 കിലോമീറ്റര്‍ (217 മൈല്‍) തെക്ക് പടിഞ്ഞാറുള്ള തീരദേശ ദ്വീപ് പട്ടണമായ സെവേറോ~കുറില്‍സ്കില്‍, നാല് മീറ്റര്‍ വരെ ഉയരമുള്ള തിരമാലകള്‍ 400 മീറ്റര്‍ വരെ ഉള്‍നാടുകളിലേക്ക് തുളച്ചുകയറി കെട്ടിടങ്ങളും അവശിഷ്ടങ്ങളും കടലിലേക്ക് ഒഴുകിപ്പോയി. ഭൂകമ്പത്തിന് ശേഷം റഷ്യന്‍ അഗ്നിപര്‍വ്വതം പൊട്ടിത്തെറിച്ചു
പസഫിക്കിലെ ശക്തമായ ഭൂകമ്പത്തെത്തുടര്‍ന്ന് റഷ്യയുടെ വിദൂര കിഴക്കന്‍ ഭാഗത്തുള്ള ക്ള്യൂചെവ്സ്കോയ് അഗ്നിപര്‍വ്വതം ബുധനാഴ്ച പൊട്ടിത്തെറിക്കാന്‍ തുടങ്ങിയതായി റഷ്യന്‍ സ്റേററ്റ് മീഡിയയും പ്രാദേശിക ജിയോളജിക്കല്‍ മോണിറ്ററിംഗ് സര്‍വീസും അറിയിച്ചു.

പ്രാദേശിക തലസ്ഥാനമായ പെട്രോപാവ്ലോവ്സ്ക്~കാംചാറ്റ്സ്കിയില്‍ നിന്ന് ഏകദേശം 450 കിലോമീറ്റര്‍ (280 മൈല്‍) വടക്ക്, വിദൂര കിഴക്കന്‍ റഷ്യന്‍ ഒബ്ളാസ്ററ് ഓഫ് കാംചട്കയില്‍ സ്ഥിതി ചെയ്യുന്ന ക്ള്യൂചെവ്സ്കോയ് സൈബീരിയയിലെ ഏറ്റവും ഉയരമുള്ള പര്‍വതവും യുറേഷ്യന്‍ ഭൂഖണ്ഡത്തിലെ ഏറ്റവും സജീവമായ അഗ്നിപര്‍വ്വതങ്ങളില്‍ ഒന്നാണ്.
അതേസമയം ജപ്പാനില്‍ സൂനാമി ഉണ്ടായി. റഷ്യന്‍ തീരങ്ങളിലും ജപ്പാനിലും ഹവായ് ദ്വീപിലും യുഎസിന്റെ പടിഞ്ഞാറന്‍ തീരങ്ങളിലും സൂനാമിത്തിരകള്‍ ആഞ്ഞടിച്ചു.ജപ്പാനില്‍ ഒരാള്‍ മരിച്ചു. റഷ്യയില്‍ വ്യാപകനാശനഷ്ടമുണ്ടായെന്നാണു റിപ്പോര്‍ട്ട്.

സൂനാമി മുന്നറിയിപ്പ് നല്‍കിയതിനാല്‍ കലിഫോര്‍ണിയ, വാഷിങ്ടന്‍ ഉള്‍പ്പെടുന്ന യുഎസ് പടിഞ്ഞാറേ തീരം, അലാസ്ക, ഹവായ് എന്നിവിടങ്ങളില്‍ ജനങ്ങള്‍ ഉയര്‍ന്ന ലങ്ങളിലേക്കു മാറി. ജപ്പാന്റെ വടക്കന്‍ ദ്വീപായ ഹോകൈ്കഡോയിലും റഷ്യയുടെ കുറില്‍ ദ്വീപുകളിലും സുനാമി തിരമാലകള്‍ ആഞ്ഞടിച്ചു

റഷ്യയിലെ ഭൂകമ്പത്തിന് ശേഷം സുനാമി തെക്കേ അമേരിക്കയോട് അടുക്കുന്നതായിട്ടാണ് റിപ്പോര്‍ട്ട്. തെക്കേ അമേരിക്കയുടെ പസഫിക് തീരത്തുള്ള രാജ്യങ്ങള്‍ സുനാമി മുന്നറിയിപ്പ് നല്‍കുകയും ജനങ്ങളോട് വീടുകള്‍ ഒഴിപ്പിക്കാന്‍ ആഹ്വാനം ചെയ്യുകയും ചെയ്തു. അതേസമയം, ജപ്പാന്‍, യുഎസ്, റഷ്യ എന്നിവിടങ്ങളില്‍ വന്‍ തിരമാലകളുടെ ഭീഷണി ഏറെക്കുറെ ഇല്ലാതായതായും റിപ്പോര്‍ട്ടുണ്ട്. ചിലി പ്രധാന ഭൂപ്രദേശങ്ങളിലെ തീരപ്രദേശങ്ങളെ ഒഴിപ്പിക്കാന്‍ ആവശ്യപ്പെട്ടിട്ടുണ്ട്.
യുഎസ് സംസ്ഥാനമായ ഹവായ് തീരത്തും തിരമാലകള്‍ കരകയറി, കാലിഫോര്‍ണിയയുടെ തീരത്തും തിരമാലകള്‍ ആഞ്ഞടിച്ചു.

പസഫിക് സമുദ്രത്തിലുടനീളം ഒഴിപ്പിക്കല്‍ നടപടികള്‍, പെറുവിലും അയല്‍രാജ്യമായ ചിലിയിലും സുനാമി മുന്നറിയിപ്പുകള്‍ നിലവിലുണ്ട്. ഫ്രഞ്ച് പോളിനേഷ്യയിലെ മാര്‍ക്വേസസ് ദ്വീപുകളില്‍ സുനാമി മുന്നറിയിപ്പ് നല്‍കിയിട്ടുണ്ട്,

- dated 31 Jul 2025

Comments:

Keywords: Europe - Otta Nottathil - earth_quake_in_russia_tzunami_japan_usa_china_july_31_2025 Europe - Otta Nottathil - earth_quake_in_russia_tzunami_japan_usa_china_july_31_2025,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles: